בבקשה:
יוּמַא מַא, יוּמַא מַא, יוּמַא יוּמַא יוּמַא מַא...
א
אִיךְ בֶּעט פוּן אַיךְ טַיֶיערֶע בְּרִידֶער
הַאלְט זִיך רוּהִיג אוּן מַאכְט נִישְׁט קֵין גֶרוּדֶער
וֶועל אִיךְ אַיךְ זִינְגֶען טַיֶיערֶע לִידֶער
אַז סְ'וֶועט אַיךְ צוּ גֵיין אִין אַיֶיערֶע גְלִידֶער
יוּמַא מַא, יוּמַא מַא, יוּמַא יוּמַא יוּמַא מַא...
ב
הַיינְטִיגְן טָאג וֶערְסְטוּ בַּר מִצְוָה
מִיר וִוינְטְשְׁ'ן דִּיר אָן בְּרָכוֹת אָן אַ קִצְבָה
עַל כּוֹס יַיִן מַאכְן מִיר לְחַיִּים
מִיר וִוינְטְשְׁ'ן דִּיר אָן אַהֲבַת תּוֹרָה וְיִרְאַת שָׁמַיִם
יוּמַא מַא, יוּמַא מַא, יוּמַא יוּמַא יוּמַא מַא...
ג
בִּרְשׁוּת הָקֵּל הַגָּדוֹל הַגִּבּוֹר וְהַנּוֹרָא
הֵייבּ אָן דַיין דְּרָשָׁה פוּן דִי הֵיילִיגֶע תּוֹרָה
אוּן דּוּ זָאלְסט דָאס אַרוֹיס גֶעבְּן מִיט אַפַארְגֶענִיגְן
אַזֵיי וִוי דֶער אַלְטֶער שְׁטֵייגֶער פוּן גְמָרָא'ס נִגּוּן
יוּמַא מַא, יוּמַא מַא, יוּמַא יוּמַא יוּמַא מַא...
ד
שֵׁייד זַאךְ אָפּ פוּן דַיינֶע קִינְדֶערִישֶׁע יָאהרְן
פַארְגֶעס הֲבֵל הֲבָלִים וַויל דּוּ בִּיסְט אַ גָּדוֹל גִיוָוארְן
דֶער אִיבֶּער שְׁטֶעל זִיך אוֹיף אוּן זָאג מִיט אַ גֶעשְׁמַאק
יַעֲמוֹד יַעֲמוֹד הֶחָתָן הַבַּר מִצְוָה חֲזַק
יוּמַא מַא, יוּמַא מַא, יוּמַא יוּמַא יוּמַא מַא...
שְׁתִיקָה יָפָה בִּשְׁעַת הַדְּרָשָׁה!!!
• כִּי הֵם חַיֵּינוּ וְאֹרֶךְ יָמֵינוּ וּבָהֶם נֶהְגֶּה יוֹמָם וָלַיְלָה:
• חָתָן נָאךְ אַ מָאהל זִיכֶער וֶועסְטוּ קֶענֶען!
• וּרְאֵה בָנִים לְבָנֶיךָ שָׁלוֹם עַל יִשְׂרָאֵל:
ה
אַזוֹי וִוי דַיין דְּרָשָׁה אִיז אוּנְז זֵייעֶר גִיפֶעלְן
ד' אַמּוֹת שֶׁל הֲלָכָה זָאל דִּיר ד' יִתְבָּרַךְ גֶעבְּן
וַויל דּוּ הָאסְט דָאס אַרוֹיס גִיגֶעבְּן מִיט אַ פַארְגֶענִיגְן
גְרוֹיסֶע עִנְיָנִים פוּן הִלְכוֹת תְּפִלִּין
יוּמַא מַא, יוּמַא מַא, יוּמַא יוּמַא יוּמַא מַא...
ו
אַז דֶער יֵצֶר הָרַע וֶועט קוּמֶען צוּ דִּיר
אוּן עֶר וֶועט דִּיר זָאגְן קוּם צוּ מִיר
זָאלְסְטוּ לֶערְנֶען אַסאַךְ תּוֹרָה
וֶועט עֶר הָאבְּן פַאר דִּיר שְׁטֶענְדִיג מוֹרָא
יוּמַא מַא, יוּמַא מַא, יוּמַא יוּמַא יוּמַא מַא...
ז
אַז דֶער יֵצֶר טוֹב וֶועט קוּמֶען צוּ דִּיר
אוּן עֶר וֶועט דִּיר זָאגְן קוּם צוּ מִיר
זָאלְסְטוּ עֶם שְׁטֶעלְן נֶעבְּן דִּיר
אוּן עֶר וֶועט לֶערְנֶען תּוֹרָה מִיט דִּיר
יוּמַא מַא, יוּמַא מַא, יוּמַא יוּמַא יוּמַא מַא...
ח
מִיט אַפַארְגֶענִיגְן הָאבְּן דַיינֶע חֲבֵרִים בַּאשְׁלָאסְן
צוּ שִׁיקְן אַ מַתָּנָה פַארְן לִיבְּן חָתָן
לְכָבוֹד דֶעם הֵיילִיגְן טָאג פוּן דַיינֶע יָאהרְן
אוּן דּוּ זָאלְסט דָאס לֶערֶענְן אָוֶן הַאלְטְן בְּזִכָּרוֹן
יוּמַא מַא, יוּמַא מַא, יוּמַא יוּמַא יוּמַא מַא...
ט
נַא דִּיר דַיין מַתָּנָה מִיט פוּל בְּרָכוֹת בַּאגְלֵייט
תּוֹרָה וּגְדוּלָּה בַּאשְׁלָאסְן מִיט אַ גָאלְדֶענֶע קֵיט
אַזוֹי וִוי דּוּ הָאסְט גִילֶערְנְט תּוֹרָה אִין חֵדֶר
וֶועסְטוּ לֶערֶענְן תּוֹרָה כְּסֵדֶר
יוּמַא מַא, יוּמַא מַא, יוּמַא יוּמַא יוּמַא מַא...
י
הַקָּדוֹשׁ בָּרוּךְ הוּא זָאל אוּנְז שְׁטֶענְדִיג גֶעבְּן
אָז מִיר זָאלְן הָאבְּן גֶעזוּנְט אוּן לֶעבְּן
כְּלַל יִשְׂרָאֵל גְרוֹיס אוּן קְלֵיין
וּבָא לְצִיּוֹן גּוֹאֵל אָמֵן וְאָמֵן
יוּמַא מַא, יוּמַא מַא, יוּמַא יוּמַא יוּמַא מַא...